【呼吸Plan遇上肺炎,陷入疫境困局自救方法】 | Roots上會

【呼吸Plan遇上肺炎,陷入疫境困局自救方法】| Roots 上會

過去幾年,一手樓市場一直受到全港投資者追捧。發展商為求吸客,利用旗下財務公司推出呼吸plan大大降低買樓門檻。呼吸plan係提供俾準買家的一個按揭貸款服務。好處係準買家不需要入息審查或通過壓力測試都可以借到按揭買樓。另外呼吸plan有一個特點就係息口都係先甜後苦。一般剛剛開始借呼吸plan的前幾年利息與銀行相約,不過一過左蜜月期利息就會倍跳。對於大部分過去幾年入市的買家來講蜜月期快要結束。如果唔想捱貴息就睇下有什麼方法可以自救啦!

呼吸Plan自救方法-轉按 | Roots上會
俾緊呼吸plan的你如果想減輕負擔,最簡單一定係轉按

自救辦法一:轉按

無論發展商話呼吸plan利息有幾平,點都唔會平過銀行按揭。所以如果想減輕負擔,最實際就係轉按。要留意一點就係申請銀行按揭的話,申請人需要有齊備入息證明並通過壓測。除此之外,如果銀行估價不足有意轉按者有機會要抬錢上會。

【延伸閱讀:【按揭申請文件】文件列表,入息

【延伸閱讀:【按揭保險】何謂按揭保險?了解按揭保險計法,保費,成數,壓力測試 | Roots 上會

呼吸Plan自救方法-定息按揭 | Roots上會
定息按揭計劃有quota要申請唔係話咁易

自救辦法二:定息按揭

政府於今年2月宣布香港按揭證券有限公司實行推出定息按揭試驗計劃。根據按揭證券公司“該計劃為有意置業的人士提供10年、15年及20年期的定息按揭選擇。目的是希望透過額外的財務選擇,讓有意置業的人士減低面對利率波動的風險,並促進銀行體系的長遠穩定發展。“定息計劃貸款額上限為1,000萬港元。

不同按揭年期會有不同年利率:

  • 10年/2.55%
  • 15年/2.65%
  • 20年/2.75%

注意:定息計劃好處包括不會受將來加息影響、無需通過壓力測試(仍須通過供款與收入比率50%測試)、可配合港幣$1000萬內高成數按揭物業(新按保計劃)。】

延伸閱讀:「定息按揭」試驗計劃有咩用? 幫唔幫到減輕買樓負擔?

呼吸Plan自救方法-放租 | Roots上會
將物業放租可以補貼每月供款

自救辦法三:放租

業主可以利用租金收入幫補貴息按揭。雖然這個方法治標不治本而且仍有機會需要補貼每月供款,不過可以解決燃眉之急。當然選擇放租的話就會引起另一個問題就係本身自住業主就要另覓地方暫住。出租物業亦不可以使用按揭保險計劃申請銀行高成數按揭。

【延伸閱讀:【業主放租攻略】一文盡覽放租須知、程序Roots上會】

呼吸Plan自救方法-放售物業 | Roots上會
放售物業係減輕業主負擔最後方案

自救辦法四:放售物業

如果業主到最後真係無辦法負擔貴息而且未能成功轉按到銀行,我們建議業主放售物業無謂辛苦自己。如果時間允許的話當然最好於購買三年後先放賣因為可以避免支付昂貴的額外印花稅。

講到尾,呼吸plan係發展商一種銷售策略,唔係真係個個地產經紀/發展商講到咁筍。不排除呼吸plan係可以幫輕到某些買家,不過未必個個啱用。買樓之前要計算風險,了解清楚及想清想楚。

Roots上會三大好處
聯絡Roots上會可以預先批核審查提升批核機會至9成!

發表評論

WhatsApp chat