買樓懶人包(二)之睇樓要注意什麼?| Roots 上會

【買樓攻略】睇樓要注意什麼?搜尋優質樓、化妝樓伏位

不久以前Roots提及到買樓第一步要先估價。我們建議客人先估價因為如果賣家叫價太離譜,銀行估唔足價,銀行有機會批唔足按揭。另外起碼睇樓前你心裡有個底,唔會追錯價入市。

假設你已經為心儀物業向銀行估價,並且估足價,下一步你要做就係約經紀睇樓實地考察。雖然睇樓係好多香港人喜愛的一個節目,但係睇樓都講技術和經驗。

想知道如何實地揀選優質樓?睇樓注意地方 有幾多? 唔想買錯化妝樓?等Roots上會教教你啦!

買樓須知: 睇樓紙、樓齡、間隔、景觀、水電設施 | 買樓懶人包(二)之睇樓要注意什麼?| Roots 上會
睇樓紙、樓齡、間隔、景觀、水電設施都係值得留意地方

簽睇樓紙好重要

通常經紀帶你去睇樓之前都會請你簽一張協議俗稱「睇樓紙」。這張協議寫明經紀會帶你去睇哪些單位並且列明一段有效期,一般三個月。

含意係譬如今日客人跟經紀A去睇太古城某單位而簽了這份睇樓紙,如果在這三個月有效期內客人(不論是否透過代理)與太古城某單位的賣方訂立買賣協議,買方須向代理(經紀A)支付列明佣金。

大家務必記住簽任何協議前都要睇清楚想清楚!

物業樓齡用途

物業樓齡直接影響到按揭批核。銀行一般會用75年減樓齡作最長還款期(最多30年),所以盡量避免買45年樓齡或以上物業。另外要確保物業是用作住宅用途。銀行和按保公司不會為非住宅物業承做高成數按揭。代理可以提供入伙紙供客人參考批准用途。

單位間隔改變

通常我們教客人要觀察的第一件事就係睇睇究竟上手業主有無改動過間隔。客人可以向代理查詢原裝平面圖做對比,從而確認該單位如有改動間隔或遷建會否違反建築物條例。

睇間隔之外,客人可以自備一個乒乓球放在地板上睇睇地板有否傾斜。

景觀座向要睇清楚

對於景觀有要求的客人來講,睇樓時最緊要留意現時或將來附近有無基建項目。這些項目可能會影響單位未來的景觀或升值能力。想仔細睇可以到規劃署索取一份「分區計劃大綱圖」或「發展審批地區圖」,裡面列明的各區規劃資料。

另外客人要留意單位會否有西斜,如果接受唔到西斜的客人最好選擇下午西斜時分去睇樓。用自己雙眼去目測就最放心啦!

水電煤窗要檢查

如欲購買一個可即刻入住單位,你就要留意:

  • 水 – 所有水龍頭或者廁所冲廁都要都要檢查,慎防漏水等問題因為維修可以非常昂貴
  • 電 – 確保每個電源開關都能運作,並檢查插座都有電源
  • 煤 – 如該單位選用煤氣爐請檢查該爐頭運作是否正常
  • 窗 – 確保窗戶開關沒有生鏽等問題並最好於落雨天睇樓檢查漏水情況,如單位有驗窗令就要向管理處了解情況。

當發現單位有一陣裝修味就更加要小心以上位置因為可能業主已經為該單位化妝。

買樓6要點 | 買樓懶人包(二)之睇樓要注意什麼?| Roots 上會
單位有無漏水、邊個負責大廈維修都需要搞清楚

漏水滲水查清楚

天花、冷氣屬漏水高危位置,睇樓人士要留意附近有無漏水發霉痕跡。

大廈維修誰負責

買二手樓最驟忌係買完之後要支付大廈維修費。由於維修費可由幾萬到幾十萬,我們建議客人購買剛剛維修完的二手樓。如果心儀單位最近沒有維修,客人可以向大廈管理查詢將來有無意向維修。若將會需要維修,客人可以與賣家協議將來的維修費由賣家承擔。

大廈公契

大廈公契列明業主對該大廈擁有的權利與責任。有養寵物就更加需要留意,大廈公契會列明業主可否養寵物。

看清附近公眾地方

除了單位內在之外,買家應該檢查隔離鄰舍門口,走廊,後樓梯等等公家地方。這些反映管理公司管理能力並非常影響住戶生活質素。

選擇黃金睇樓時間

如果準買家睇完第一次樓覺得單位唔錯有興趣落訂,我們建議客人抽選另一個時間睇多一次。不論你係晴天、雨天(留意滲水)、早上、下午(留意西斜)或晚上睇樓都可以睇到不一樣的感覺。同簽合約一樣我們建議客人都係睇清楚望清楚先落手就最安心!

向經紀要求土地查冊

買樓前向經紀索取土地查冊可以了解該單位按揭、抵押、法庭命令、建築命令等產權負擔。如果有任何負擔,可以要求賣家解釋清楚確保買家購買買後不會有任何負擔。

 

睇樓學問需要時間累積,建議大家不妨睇多啲樓了解情況。待時機成熟就可以隨時乾脆啲落訂唔需要到時臨急抱佛腳。如果真係擔心的話可以搵相熟裝修師傅一齊去睇樓就萬無一失啦!

【2020 買樓、按揭懶人包】所有關於買樓、按揭需知係齊到(不斷更新)

按揭資訊

資助房屋全攻略

二按、按揭保險

物業買賣

地產資訊

海外物業


上會概念源於兩位香港回流碩士畢業生。兩位始創人大學畢業後投身於金融行業,打滾數年後發現不但在香港買樓困難加上尋找金融機構承做按揭亦不容易。 於是靈機一觸想到借用網上酒店格價網概念,打造一個網上按揭配對平台,務求帶給香港人一個簡易申請按揭的解決方案。

 

為確保能順利成功申請按揭上會,住宅物業買家可考慮向多於一間銀行申請按揭。但逐間銀行叩門未免費時失事,較方便的做法,是透過網上平台 ( 例如 :金融科技平台 ROOTS,一次過免費幫客戶向多間銀行遞交申請。填寫幾項簡單資料後,可即時獲悉獲批按揭的機會、按揭利率、現金回贈等資訊,然後才決定申請哪些按揭計劃。

Roots 智能比較全港超過 18 間銀行樓宇按揭計劃 ! 數碼港培育機構 | Roots 專業團隊免費幫你跟進,賺盡回贈 ! 立即申請 !

隨時隨地都可以申請 ROOTS 上會,方便過7-11 ~~~

HK ROOTS BANNER COMPARE
ROOTS 上會 | 免費為你比較全港超過 18 間銀行樓宇按揭計劃 !  ROOTS 智能化數據讓你一覽無遺香港各大銀行按揭
>> 立即點擊申請

發表評論

WhatsApp chat